Ok Begga sagði mér að blogga þannnig að ég þorði ekki annað en að hlýða
Ætla að segja ykkur nokkrar vinnusögur....
Ég var sem sagt að vinna í dag og þetta er í fyrsta skipti sem ég fer að vinna eftir að útsölurnar hættu og nýjar vörur að koma og missti mig alveg við að breyta gínunum og raða uppá nýtt í búðina eftir mínum eigin smekk eins og ég er vön að gera. Hluti af fermingafötunum voru líka að koma í dag og það var búið til svona lítið fermingahorn og fermingagluggi. Það átti samt eftir að setja upp fötin í hornið og ég auðvitað vatt mér í það og reyndi að gera þetta eins fermingalegt og hægt var miðað við það sem var komið. Síðan fannst mér gínurnar í glugganum ekki aaalveg nógu góðar þannig að ég breytti þeim líka
Svo leið aðeins á daginn og ég bara að vinna mína vinnu þegar einhver kona sem ég hafði aldrei séð áður kom og spurði hvort að ég hafi breytt gínunum í glugganum.. ÉG alveg: "jaaaaá.." soldið smeik...Neinei, þá var þetta bara útstillingarhönnuður NTC sem hafði gert þessar gínur og mín bara hafði tekið sig til og umturnað fína glugganum hennar!! Ég bara „sorry“ og „ég hélt að stelpurnar hefðu gert þetta“ alveg í kleinu og hún sagði að þetta væri allt í lagi, hún hefði bara verið 2 klukkutíma að gera þetta!!
En henni var held ég ekkert alveg sama því næst byrjaði hún að setja út á fermingadeildina, þessa fínu hálftilkomnu fermingadeild og ég alveg að deyja úr bömmer.
En mér finnst þetta ýkt fyndið núna og ég er búin að hlæja nokkrum sinnum upphátt á meðan ég er búin að skrifa þetta blogg mitt. Ég held líka að næst þegar hún fer að græja gluggann okkar góða þá verði hennar fyrsta verk að skipta um á gínunum!
Mér finnst líka alltaf jafn fyndið þegar fólk sem vinnur við sama fag og þið er að veifa því framan í ykkur við hvert tækifæri.. eins og þegar ég var að vinna í nóatúni þá kom reglulega ein gella að versla og þegar maður mundi ekki alveg PLU númerin á kálinu sem hún var að kaupa þá sagði hún manni það alltaf svo maður þurfti ekki að fletta því upp í bókinni alveg ýkt sátt með sjálfa sig.
Við lentum nú í því um daginn að það kom kona sem vissi svo agalega mikið um tísku og spurði eina hvort að við værum ekki með reiðbuxur. Hún bara HA?! og vissi ekkert um hvað konan var að tala enda aldrei heyrt um þetta áður í tískufataverslun. Þá frussar konan út út sér: „HVA, LESTU EKKI VOUGE????“ Er fólk sem segir svona bara rosalega sátt með sig.. ef ég hefði sagt svona við einhvern hefði ég dáið úr skömm svona 2 sekúndubrotum seinna.
Og það fyndnasta er við þetta allt saman er að það sem þú sérð í Vouge núna og á tískupöllunum núna er ekkert að koma fyrr en í sumar og þar sem við búum á litla íslandi geturðu gleymt því að sjá það fyrr en í fyrsta lagi árið 2010! En sumir kaupa víst blöðun bara til að skoða myndir, ekki lesa greinarnar
Vonandi svalaði þetta bloggþörf þinni begga mín.. ég er farin í háttinn ......zzzzzzzzzzzzzzzz......
ps. ég biðst afsökun á ofnotkun á brosköllum